俄羅斯輸烏龍波！克羅地亞後上出線

最強博彩盤路過關神器《串績王》：http://win.on.cc/football/　

周日(14日)晚世盃外歐洲區H組大戰，克羅地亞主場迎戰俄羅斯。只要和波就可保住首名嘅俄羅斯，守到尾段輸個烏龍波，最終克羅地亞幸運地贏1比0，反先俄羅斯1分取得小組首名資格，出線明年世盃決賽周！

賽事在大雨中進行，克羅地亞嘅地面組織大受影響，雖然全場佔盡優勢，射門19射5中，但都入唔到波，俄羅斯則採取「大丈夫」戰術，唔出就唔出，大部份時間0射門，打算守和博1分，呢套戰術其實都用得啱，無奈晚節不保。

踢到81分鐘，克羅地亞已經冇晒辦法，邊路其求送個波入禁區，點知守遠柱嘅俄羅斯老將古迪亞舒夫一時大意，將個波踢入自己龍門，亦係俄羅斯全場唯一一次中框，就咁送咗3分畀對面。

克羅地亞最終憑呢個入波，以1比0擊敗俄羅斯，以10戰得23分，僅以1分之微反超前俄羅斯，取得小組首名嘅世盃入場券，俄羅斯則以次名踢附加賽。