施丹被爆學緊英文　教曼聯要老婆批准

足球博彩神器，每日重心提供盡在《彩報》：http://win.on.cc/football/　

曼聯換帥傳聞再起，有指李斯特城領隊羅渣士將接替蘇斯克查，教緊巴黎聖日耳門嘅普捷天奴亦係目標之一，但點都唔及賦閒在家嘅施丹，佢可以免賠償金立即接手，近日施丹被爆正在學習英文，仲同妻子商量緊好唔好去英國生活，曼聯下任主帥，似乎係佢。

施丹嘅法國隊友比堤，近日接受訪問期間講到施丹，佢話：「施丹會講多種語言，但唔識英文，有人話我知佢最近正在學英文，呢件事對佢教波好重要，不過問題係佢未踢過英超，要去教波會有唔少困難。」

英國《每日記錄報》爆料，施丹離開皇馬後，一心等待執教法國隊機會，但佢近日改變想法，因為曼聯有C朗、華拉尼同普巴，因此對執教曼聯表示興趣，仲同老婆商量去英國生活事情。據報佢老婆唔太鍾意喺曼徹斯特生活，希望老公多啲陪佢，究竟施丹聽老婆話，定係按自己意願行事，可能要等佢學好啲英文之後再諗。