唔好玩爛件玩具！雲爺爺對曼聯賽前咁樣講

最強博彩盤路過關神器《串績王》：http://win.on.cc/football/　

今季曼聯話題性十足，其餘19隊英超球迷談論最多就係「唔好玩爛件玩具」，周六晚曼聯作客屈福特，「大黃蜂」主帥雲尼亞里都想玩埋一份，被問到「C朗係曼聯問題所在」時，佢霸氣回應：「叫佢過嚟我度，我畀佢踢足每1分鐘！」

雲帥本周將領軍迎戰曼聯，講到對手蘇斯克查，他表示：「做領隊就係咁，經常要面對壓力，我對咗2、30年喇，已成為生活一部份，我哋係孤獨嘅，最重要係將信息傳達畀球員，做到最好。」

「其實蘇斯克查已經做得好好，當然，曼聯每場都要贏波，佢哋想返去費格遜時代，咁都好正常，呢啲壓力係積極嘅，喺曼聯做嘢嘅人個個都係咁㗎啦。」

「C朗係曼聯問題所在？不不不，叫佢過嚟我度，對我嚟講冇任何問題，我會畀佢場場踢足，佢係世上最佳球員之一，有好多貢獻，好多年輕人都鍾意睇佢，佢令足球更有吸引力。」