蘇B力撐馬古尼：佢會令批評者收聲
20211120
東網電視
更多新聞短片
最強博彩盤路過關神器《串績王》：http://win.on.cc/football/
曼聯隊長哈利馬古尼今季不時犯錯，表現備受批評，但領隊蘇斯克查就力撐呢位中堅，更加揚言哈利馬古尼將於周六(20日)晚英超作客屈福特，以表現令批評者收聲。
蘇斯克查話：「馬古尼係頂級職業球員，每次上陣都全力以赴，我認為佢早前喺國際賽入波，有助佢提升狀態同信心。」
蘇B被問到會唔會更換隊長人選時，佢一口否認：「我冇諗過攞走馬古尼嘅隊長臂章，佢加盟曼聯以來，喺各方面都展示出領袖風範。」
蘇斯克查更加話全隊都好支持哈利馬古尼，佢將會以行動證明批評者係錯誤：「我知道所謂嘅專家有自己嘅意見，因為係佢哋嘅工作，但我唔擔心馬古尼，佢一直全心為球隊而戰。」