哈利馬古尼領紅　曼聯畀屈福特大炒

足球博彩神器，每日重心提供盡在《彩報》：http://win.on.cc/football/　

曼聯又輸一場！國際賽期後「紅魔鬼」重返聯賽作客屈福特，哈利馬古尼又做「紅牌阿姑」，累曼聯以1比4輸波，近5場英超輸4場，領隊蘇斯克查捱唔捱到去聖誕快車好成疑問。

曼聯作客畀屈福特撳住攻，雖然門將迪基亞救出12碼被判重射，但佢再撲出重射嘅12碼，曾力保不失，但最終屈福特28分鐘及44分鐘分別由祖舒亞京治及伊美拿沙亞攻入，曼聯半場落後0比2。

換邊後，曼聯喺50分鐘憑雲迪碧克追番1粒，但69分鐘哈利馬古尼後場推波甩腳，情急下剷跌湯卡華尼領第二面黃牌，兩黃一紅被趕出場。少踢1人嘅曼聯想追都冇力，更被屈福特於補時階段由祖奧柏度及前鋒艾文奴爾丹尼斯連入2粒，最終「大黄蜂」於主場以4比1大勝曼聯。