港超聯 杜查祖利亞:理文今季要做第一

20211121
東網電視
更多新聞短片
(黃雋謙攝)
周日(21日)港超聯理文對傑志的大戰,焦點除洛迪古斯倒戈入波,還有前日職射手杜查祖利亞首次上陣,與對手前鋒丹恩奴域合演一場「日職與韓職的對決」。他在賽後表示,今場球隊為勝利戰鬥到最後一刻,而且證明理文絕對有力爭標。
這名33歲巴西中鋒,今季挾着踢過巴甲、日職等高水平聯賽的名聲加盟理文。雖然今場73分鐘才後備入替,表現未足以評論其能力,但他仍為對方防線帶來不少麻煩。他賽後首度接受訪問,形容今場對傑志的比賽是場硬仗,但對己隊表現感自豪:「好開心睇到球隊就算有個惡劣開局都可以振作,並且戰鬥到最後一刻,我哋展示到畀所有人睇,今年我哋要做第一。」
杜查祖利亞踢過鹿島鹿角、清水心跳等日職球隊,亦效力過哥連泰斯、富明尼斯等巴甲名門,「CV」足以媲美今場對手,前韓職射手丹恩奴域。他亦對今場與之交手感到高興:「我識咗佢好耐,佢好友善亦都係一位好球員,不過我唔諗我哋係唔係聯賽入面最好嘅前鋒,我只會擺理文喺第一位,就算佢能力超高,但我哋理文都會為冠軍而努力。」