世界足球先生候選公布　PSG成最大戶？

足球博彩神器，每日重心提供盡在《彩報》：http://win.on.cc/football/　

國際足協周二(23日)公布2021年度最佳候選名單，最受注目嘅最佳男足球員(世界足球先生)11強，歐聯盟主車路士並唔係最威水嗰隊，只有佐真奴同尼高路簡迪2位中場入圍，反而巴黎聖日耳門(PSG)三叉戟美斯、尼馬同基利安麥巴比齊齊上榜，成為候選名單最大戶。

世界足球先生候選11人分別係賓施馬、奇雲迪布尼、C朗拿度、艾寧夏蘭特、佐真奴、尼高路簡迪、羅拔利雲度夫斯基、基利安麥巴比、美斯、尼馬同穆罕默德沙拿，除咗歐聯冠軍車路士得2個入圍外，歐國盃冠軍意大利亦只有佐真奴一個代表，反而法國就有3名國腳候選。

最佳領隊方面，7人候選名單分別係杜曹(車路士)、哥迪奧拿(曼城)、史卡朗尼(阿根廷)、干地(國際米蘭/熱刺)、文仙尼(意大利)、費歷克(拜仁慕尼黑/德國)同施蒙尼(馬德里體育會)。最後得獎者會喺明年1月17日公布。