普捷天奴回應曼聯斟介：我愛PSG！

最強博彩盤路過關神器《串績王》：http://win.on.cc/football/　

曼聯物色新領隊行動如火如荼，巴黎聖日耳門(PSG)教練普捷天奴，被傳係曼聯嘅頭號目標，呢位阿根廷名帥領軍嚟曼徹斯特踢歐聯前，被問到曼聯挖角嘅傳聞，普捷天奴就以：「我愛PSG」作為回應，強調佢同PSG仲有1年半嘅合約。

曾經喺英超執教修咸頓同熱刺嘅普捷天奴表示：「我只係專注比賽，我已經唔係細路仔，由做球員到教波12年，我知道傳聞係無可避免，重點係唔可以畀呢啲傳聞影響而分心。我非常尊重PSG，其他球會做咩唔係我嘅問題，我愛呢間球會同呢度嘅球迷，我嘅合約去到2013年先至完結，喺巴黎我覺得好開心，呢個係事實。」

早前有傳聞指普捷天奴不滿總監李安納度過份干預球隊事務，因而萌生去意，而PSG亦打算搵施丹接手。