邊個夠佢慘　夏蘭特世界盃+歐聯出局

足球博彩神器，每日重心提供盡在《彩報》：http://win.on.cc/football/　

周四(25日)凌晨歐聯C組，多蒙特作客1比3不敵士砵亭，宣布提早1輪出局，意味正在養傷嘅艾寧夏蘭特，繼早前眼白白睇住挪威喺世界盃外圍賽被淘汰之後，依家又望住多蒙特喺歐聯出局，自己乜都做唔到，非常無奈。

艾寧夏蘭特係上屆歐聯神射手，但佢今季不時受傷，包括10月歐聯對阿積士，整傷臀部肌肉，缺陣今年餘下賽事，結果挪威喺缺少呢位21歲神鋒之下，最後2場世界盃外圍賽都入唔到波，黯然出局。

多蒙特近3場歐聯都輸波，只能以小組第3位轉戰歐霸盃，希望艾寧夏蘭特復出之後，可以喺歐霸盃再數胡啦。