拜仁射手確診 連累羅拔佬冇得抖

20211125
東網電視
更多新聞短片
(Getty Images)
最強博彩盤路過關神器《串績王》:http://win.on.cc/football/ 
拜仁慕尼黑宣布,隊內射手祖普莫亭確診新冠肺炎,需要接受隔離,預料將會缺陣周日(28日)凌晨德甲主場對比勒費爾德,意味另一位射手羅拔利雲度夫斯基踢完歐聯之後冇得輪休,要繼續踢埋德甲。
祖普莫亭數日前已經開始接受隔離,並冇出戰周中歐聯作客基輔戴拿模,呢位喀麥隆國腳一向都係「羅拔佬」嘅副選,佢缺陣之下,「羅拔佬」上場歐聯例行公事,都要踢足全場,下場德甲對弱隊比勒費爾德,原本以為祖普莫亭可以擔正,畀「羅拔佬」休息一下,睇來依家都係要「羅拔佬」踢埋。
拜仁慕尼黑中場主將甘美治早前同新冠肺炎確診者有密切接觸,需要接受隔離,佢一直拒絕打疫苗,根據球會規定,冇打疫苗嘅球員,隔離期間冇糧出。
據悉,另外3位拜仁球員普祖莫亭、穆斯亞拿、基拿比都冇打疫苗,普祖莫亭今次可能都被扣人工。