曼聯請德國「現代足球教父」做看守領隊

The Athletic 記者Lauire Whitwell和David Ornstein報道，現任莫斯科火車頭體育及發展主管蘭歷克，已經同曼聯達成協議，將會成為看守領隊，簽約至本季季尾。

現年63歲嘅蘭歷克嘅工作能力早受到球壇肯定，佢由2013年開始擔任RB萊比錫同薩爾斯堡嘅總監，為紅牛旗下兩大球會出任揸弗人，期間亦曾兩度執教RB萊比錫，除咗球場上成績突出，蘭歷克嘅管理亦令呢兩間球會愈搞愈大，發掘出沙迪奧文尼、艾寧夏蘭特等優質巨星。高普、杜曹及拿高士文等名帥都視佢為老師，被譽為德國「現代足球教父」。

雖然莫斯科火車頭仍未正式答應放人，但預料問題不大，不過由於工作簽證關係，蘭歷克肯定趕唔切周日曼聯對車路士一戰督帥。