阿迪達邀雲格回歸 或任阿仙奴顧問

2021年11月26日 15:04
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
阿仙奴喺領隊阿迪達手上進行重建,今季初步見到成效,目前喺英超排第5位,周六(27日)主場迎戰紐卡素前,阿迪達證實有意邀請恩師雲格重返阿仙奴,仲話已經直接同雲格溝通過,不過就唔知會係乜嘢崗位,亦冇透露幾時會返嚟,球迷就拭目以待。
雲格嘅大電影早前舉行首映,阿迪達同老婆都有出席,兩代阿仙奴領隊聚首當然有大計密斟,阿迪達表示:「我哋有溝通過(重返阿仙奴),首映禮嗰日好開心可以同雲格交談,希望佢可以更加親近阿仙奴,我相信雲格返到呢個佢深受愛戴、尊敬嘅地方,佢一定會好高興。」
對於已經72歲嘅雲格可以出任咩崗位,阿迪達就話:「我依家答你唔到,我想表達嘅係我希望雲格可以圍繞阿仙奴附近,不過任何事情都需要時間,雲格返嚟會對球會有極大幫助。」阿仙奴目前總監伊度、青訓主管梅迪薩卡都係雲格昔日愛將,有傳雲格如果重返阿仙奴,將會出任顧問一職。