蘭歷克剖析曼聯防線　勞基梳爾大鑊了！

最強博彩盤路過關神器《串績王》：http://win.on.cc/football/　

蘭歷克即將成為曼聯領隊，唔少球迷都非常興奮，向來以戰術能力見稱嘅蘭歷克，原來上年9月曾經分析過曼聯防線，期間更點名指左閘勞基梳爾係最需要替換嘅位置，呢位英格蘭國腳今勻大鑊了！

隨住蘭歷克執教曼聯嘅消息傳出，網上立即有一段佢上年9月分析曼聯防線嘅影片被翻炒，當時蘭歷克表示：「曼聯應該買一個左閘，我知道佢哋已經有勞基梳爾，但我唔係好肯定佢嘅水平，係咪適合曼聯呢種級數嘅球會。」

喺蘭歷克呢番言論後，曼聯10月份真係簽入巴西左閘阿歷士迪尼斯，不過勞基梳爾上季亦踢出爭氣波，仲喺今夏歐國盃決賽周有好表現，可惜呢位英格蘭國腳季初狀態再度下滑，係曼聯12場失21球嘅豆腐防線罪人之一，如果佢唔及時振作，隨時會被蘭歷克踢走。