日耳曼DNA　曼聯有得捧歐聯？

最強博彩盤路過關神器《串績王》：http://win.on.cc/football/　

盛傳德國名帥蘭歷克即將成為曼聯看守領隊，如果成事，佢就會成為紅魔鬼史上首位德國主帥。事實上，德國教頭近年非常馨香，過去3屆歐聯冠軍球隊都係由德國主帥執教，曼聯注入「日耳曼DNA」，隨時成為今屆歐聯盟主都唔出奇。

講到近年德國名帥，高普最威水，率領利物浦奪得2018/19年球季歐聯冠軍，翌季再贏埋英超冠軍。至於過去2屆歐聯盟主拜仁慕尼黑、車路士，其主帥費歷克、杜曹都係德國人。

曼聯今季踢歐聯嘅表現，遠比英超好，已提早取得小組首名出線，打好晒基礎之下，蘭歷克接手領軍，有望再創佳績。

值得一提，蘭歷克早年已經主張高位搶逼踢法，更被指係高普同杜曹嘅「啟蒙老師」，老師傅大駕光臨英超，2位徒弟仔都咪話唔驚。