新帥即將上任 卡域克:將來嘅嘢冇人知!

2021年11月26日 21:01
東網電視
更多新聞短片
(Getty Images)
足球博彩神器,每日重心提供盡在《彩報》:http://win.on.cc/football/ 
歐洲傳媒突然爆出曼聯搵到蘭歷克執教,亦即代表「替工」卡域克教埋周日對車路士就完成任務,前後帶咗曼聯7日,歐聯贏咗維拉利爾,今場火併車路士絕對係硬仗,卡域克表示唔會諗新領隊嘅嘢,希望專注眼前工作,踢好下場比賽。
卡域克接受訪問時表示:「我唔會考慮曼聯下任領隊是誰,對我嚟講,只要我喺呢個崗位一日,我就要負責,而目前我正全力準備對車路士嘅硬仗。」
報道指蘭歷克因為簽證問題,今場對車路士唔會接手,要等到下仗對阿仙奴先由佢領軍,換句話講,今場對車路士係卡域克嘅「告別戰」,他表示:「我嘅未來淨番呢2、3日,就係咁多,不過職業足球就係,下一刻發生嘅事冇人知,我所有力量同心神都放晒喺星期日對車路士嗰度。」
40歲嘅卡域克坦言,由佢加盟曼聯一刻開始,車路士一直係老對手:「對維拉利爾一仗,我哋展現出穩定同團結,上場勝仗已成過去,我們需要下一場勝利。」