杜曹、高普評蘭歷克入魔　英超球會不幸！

最強博彩盤路過關神器《串績王》：http://win.on.cc/football/　

曼聯即將聘請德國教頭蘭歷克執教，呢位「足球教父」影響咗唔少德國頂尖教練，包括車路士領隊杜曹同利物浦領隊高普，兩大名帥日前亦公開評論蘭歷克即將登陸英超一事，高普更形容為「英超球會嘅不幸」！

高普表示：「通常我唔會評論一啲未落實嘅事情，不過你哋(記者)同我講一定會發生，我就相信你哋。好不幸，一個好好嘅領隊將會嚟英超教曼聯，蘭歷克無疑係非常有經驗嘅教頭，佢將賀芬咸同RB萊比錫兩間不知名球會變成德甲一大力量，我相信曼聯喺球場上面會變得更有組織，對其他英超球會嚟講絕對唔係好事。」

車路士領隊杜曹亦大讚呢位恩師：「蘭歷克對我影響好大，佢係我做教練嘅重要原因，佢嘅戰術非常先進同突破，絕對係戰術上面嘅精英。雖然我講得好興奮，不過依家仲未正式落實，請大家都要尊重番佢哋所屬嘅球隊。」