【有片】伊藤洋輝入靚波　史特加成日本第1幫

最強博彩盤路過關神器《串績王》：http://win.on.cc/football/　

周六(27日)凌晨德甲賽事，史特加主場以2比1擊敗緬恩斯，終止聯賽5場不勝頹勢。史特加嘅日本後衛伊藤洋輝今場轟入靚波，拎到佢喺德甲第1個入球，同時亦令史特加成為德甲史上「日本第1大幫」！

史特加有主場之利，但面對緬恩斯仍略處下風，不過喺21分鐘仍靠伊藤洋輝神來之筆領先，當時史特加經過一輪進攻組織後，從後殺上嘅伊藤洋輝喺左路窄位妙射遠柱建功。緬恩斯39分鐘由阿歷山大赫克追平，但主隊下半場再憑波拿蘇沙入波贏2比1。

伊藤洋輝入波後，係史特加歷來第5個喺德甲入波球員，超越法蘭克福(4人)成為最多日本球員入波嘅德甲球隊。史特加之前入波嘅日本球員包括岡崎慎司、酒井高徳、淺野拓磨同埋今場都有份正選上陣嘅遠藤航。