紐卡素新帥戰勝肺炎　復出領軍鬥阿仙奴

最強博彩盤路過關神器《串績王》：http://win.on.cc/football/　

紐卡素官方宣布，早前確診新冠肺炎嘅新任領隊艾迪侯域，已經康復，可以親自入場指揮球隊，出戰周六(27日)晚英超作客阿仙奴。

艾迪侯域成為紐卡素主帥之後，原本應該上場英超首次領軍對賓福特，但因為確診新冠肺炎，需要接受隔離，唔可以現場指揮，所以今場對阿仙奴，先至係佢首次親自帶領紐卡素比賽。

紐卡素上場同賓福特踢成3比3，今季12場聯賽未贏過，只有6和6負，艾迪侯域今場御駕親征，唔知可唔可以幫紐卡素開齋呢？