【車曼戰】杜曹恐怖數據　曼聯顫抖吧

最強博彩盤路過關神器《串績王》：http://win.on.cc/football/　

英超榜首車路士將於周一(29日)凌晨主場大戰曼聯，車仔自從由杜曹執教之後，表現持續大勇，上場歐聯更加以4比0大勝祖雲達斯，呢場波係杜曹率領車仔第50場比賽，累積35勝8和7負，換言之勝出率高達70%。

同埋杜曹已經協助車路士奪得2個冠軍，包括上屆歐聯及歐超盃，戰績非常彪炳。反觀，曼聯仲未斟掂德國名帥蘭歷克領軍，今場繼續由助教卡域克帶隊，遇上「戰術大師」杜曹都咪話唔驚。

不過，紅魔球迷又唔使太灰心，因為兩隊近4次英超交鋒，曼聯取得2勝2和，今場未必輸梗。