謝拉特執教維拉2連勝　創23年紀錄

足球博彩神器，每日重心提供盡在《彩報》：http://win.on.cc/football/　

「神奇隊長」謝拉特教波一樣有神奇力量加持，佢喺周六(27日)晚英超，率領阿士東維拉作客以2比1擊敗水晶宮，領軍之後2戰2勝，追平1998年格哥利嘅紀錄，成為阿士東維拉史上第2位頭2場英超領軍全勝嘅主帥。

阿士東維拉今場由左閘馬特泰基特、中場約翰麥甘尼各建一功，領先2球，即使補時被水晶宮中堅馬克古希攻入大門，但無礙球隊全取3分，繼以2比0擊敗白禮頓之後，再下一城。

賽後謝拉特大讚球員表現出色：「各位球員喺所屬位置上都有出色發揮，雖然部份時間陷入苦戰，但我哋努力取得入球，近2場可以攞到6分，真係好大進步。」阿士東維拉已經升上中游位置，逐漸擺脫降班威脅。