17位球員確診都焗踢　落後7球「投降」

最強博彩盤路過關神器《串績王》：http://win.on.cc/football/　

周日(28日)凌晨葡超比蘭倫斯主場對賓菲加，出現「不人道」情況，比蘭倫斯有17位球員確診新冠肺炎，大部份一隊球員成為密切接觸者，需要接受隔離，無法上陣，但賽會仍然要求如期比賽，比蘭倫斯只有9位球員可以用，其中有2位係門將，結果上半場已落後7球，最終因為球員人數不足，賽事被逼腰斬。

比蘭倫斯一開波就要9打11，上半場落後0比7，換邊之後，比蘭倫斯只有7人上陣，僅符合每隊最低人數要求，其後門將聲稱受傷，比蘭倫斯僅餘下6人，球證先至肯宣布腰斬比賽。

事後比蘭倫斯球員發表聲明話：「今日，足球失去咗信心。」球會會長柏度蘇亞利斯指今場比賽對於所有人都係一種恥辱，但唔包括出場嘅9位球員，會方一早已要求比賽延期，但不獲接受。

曼城中場貝拿度施華亦聲援比蘭倫斯，喺社交網上話：「到底係咩情況，難道只有我唔明白點解賽事唔改期？」