紐卡素80%降班　斟曼城全能戰士救亡

最強博彩盤路過關神器《串績王》：http://win.on.cc/football/　

紐卡素喺周六(27日)晚英超，雖然有新領隊艾迪侯域感染新冠肺炎康復之後，首次親自領軍比賽，但仍然作客0比2不敵阿仙奴，今季踢咗13場英超仲未贏過。在此之前，英超史上曾經有5隊開季首13場聯賽不勝，最終有4隊降班，換言之降班達80%。因此，紐卡素急需明年1月轉會市場重開後增兵，艾迪侯域希望簽入曼城左後衞辛真高。

據悉，艾迪侯域非常欣賞辛真高，因為呢位24歲烏克蘭國腳技術全面，可以勝任左後衞、左中場、中場中位置，紐卡素好需要呢種「全能戰士」幫手，靈活填補唔同位置漏洞。

事實上，辛真高現時喺曼城亦缺乏上陣機會，今季英超僅上陣56分鐘。雖然佢喺上場歐聯對巴黎聖日耳門，擔任正選，但踢咗54分鐘就被換走，入替佢嘅加比爾捷西斯隨即入1球及1次助攻，協助曼城反勝2比1，令辛真高更加尷尬。紐卡素呢個時候提出簽入辛真高，或者真係有機會得手。