足總盃　鄭展龍倒戈入開齋波：出於尊重唔慶祝

「足總盃」首圈賽事，周日（28日）尾場焦點戰，傑志最終與冠忠南區戰至加時，才分出勝負。作為傑志借將的鄭展龍，今場倒戈相向，一度為冠忠南區頂入先拔頭籌的一球，賽後自然成為話題人。

今場要面對一班傑志舊隊友，「龍仔」沒有手軟，更在上半場頭槌頂破「藍鳥」門將保羅十字關。「頭槌入波真係好少，成世人得兩次，另外一次係好細個嗰陣。」「龍仔」笑言。斬獲加盟南區後個人首個入球，但入球後的「龍仔」顯得格外冷靜，全無要大肆慶祝的意思：「出於尊重，唔會慶祝，但係南區畀我踢，有波就要射，就要入波。」

為了讓「龍仔」獲得更多上陣鍛鍊的機會，傑志季前將其外借至冠忠南區，除了於條款中指明此子的上陣時間與租借費掛勾之外，亦沒有加入迴避條款，令這位進攻中場得以在這場「足總盃」中披甲倒戈。這位23歲中場，坦言沒有因為面對母會，而改變一貫的比賽心態：「其實我每次踢比賽之前，都係平常心，無論對番母會傑志，或係其他球隊都一樣。」