有心病？迪馬利亞拒絕勸麥巴比留隊

最強博彩盤路過關神器《串績王》：http://win.on.cc/football/　

巴黎聖日耳門(PSG)球星基利安麥巴比將於明年6月尾約滿，至今仍然未續約，佢嘅隊友迪馬利亞接受傳傳訪問時，承認自己並冇勸過麥巴比留隊，因為續唔續約屬於個人決定，旁人唔應該多口。

迪馬利亞話：「我冇勸過麥巴比留隊，呢種係個人決定，佢知道應該點揀，當然希望佢留隊，因為可以同麥巴比踢波係一種恩賜。」

盛傳基利安麥巴比已經決定明夏以自由身轉投皇馬，雙方可於明年1月正式展開談判，預料PSG無法留住呢位22歲法國國腳。