沙拿勇奪金足獎　美斯都未拎過！

最強博彩盤路過關神器《串績王》：http://win.on.cc/football/　

喺金球獎選舉排第7位嘅穆罕默德沙拿，周二(30日)喺另一個頒獎禮成為主角，佢獲選為2021年金足獎得主，呢個獎項係表揚每年表現最出色嘅28歲以上球員，上年就係由C朗拿度奪得，今次沙拿就擊敗美斯同羅拔利雲度夫斯基等巨星當選。

穆罕默德沙拿親身出席摩納哥舉行嘅頒獎禮，佢獲獎後向意大利《天空體育》表示：「贏出呢個咁特別嘅獎項令人興奮，過去有唔少足球傳奇球員拎過獎，令金足獎變得更加特別。」金足獎由2003年開始創辦，第1屆得獎者係巴治奧，朗拿度、朗拿甸奴、傑斯、杜奧巴、伊巴謙莫域、恩尼斯達、C朗拿度等都先後得獎，阿根廷球王美斯今次亦有入圍最後10強，但就輸畀穆罕默德沙拿。