哈利卡尼走得 干地展開換班行動

2021年12月01日 17:02
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
熱刺季前鬧出哈利卡尼轉會風波,最終拒絕曼城斟介「夾硬」留人,搞到兩敗俱傷,領隊紐奴已經被炒魷,哈利卡尼目前為止就只得1個英超入球,失去昔日金靴風采。意大利名帥干地上任後,據報已準備展開換班行動,有意簽杜辛華荷域做哈利卡尼接班人!
哈利卡尼已經28歲,依家雖然留隊但個心已經飛走咗,干地當然唔會坐視不理,據意大利媒體《TuttoMercato》報道,熱刺想喺1月簽費倫天拿前鋒杜辛華荷域,呢位塞爾維亞前鋒有190cm身高,但腳法同射術都相當出眾,上季意甲入21球,今季亦以12球排意甲射手榜第1位,絕對夠潛力代替哈利卡尼位置。
干地之前喺意甲嘅日子,對杜辛華荷域嘅能力已瞭如指掌,所以委託總監柏拉迪斯搶人,希望以兩人喺意甲嘅脈絡實現轉會。最大問題係杜辛華荷域依家係當紅炸子雞,費倫天拿企硬要收7,000萬歐元,而且曼聯、祖雲達斯、巴黎聖日耳門、阿仙奴等都虎視眈眈,熱刺想贏出呢場爭奪戰都唔係咁易!