費特罪人變英雄　踩傷隊友製造爭議失波

最強博彩盤路過關神器《串績王》：http://win.on.cc/football/　

曼聯主場3比2贏阿仙奴相當驚險，開波早段就先失1個爭議性入波，當阿仙奴中場伊美路維抽入嗰陣，迪基亞竟然瞓咗喺地下，重播顯示原來佢係畀「自己友」費特踩到隻腳而倒地，雖然曼聯球員激烈投訴，但由於成件事係「自己友踩自己友」兼唔涉及頭部傷勢，最終球證判入球有效。

前英超球證卡頓保表示：「球證要判入波有效，因為迪基亞係畀費特踩，成個過程冇阿仙奴球員犯規，球證亦冇吹停比賽。」雖然多數球迷都批評迪基亞想「博罰球」出事，但踩傷自己友嘅費特亦責無旁貸，不過呢位巴西中場之後大發神威，先助攻般奴費南迪斯追平，下半場再博到致勝嘅12碼，由罪人變英雄。