摩連奴挖曼聯舊部 1月擬借用達洛治

20211203
東網電視
更多新聞短片
最強博彩盤路過關神器《串績王》:http://win.on.cc/football/ 
羅馬教練摩連奴早前批評球隊兵力薄弱,1月勢必繼續增兵,據意大利《羅馬體育報》消息,「寸王」打算向曼聯舊部埋手,目標直指葡萄牙小將達洛治,消息指羅馬已就轉會同曼聯斟介,有意1月份以先借後買方式完成交易。
22歲嘅達洛治今季未受重用,啱啱對阿仙奴一仗首次正選上陣,但之前只有4次後備上陣紀錄,會唔會喺蘭歷克計劃之內仲係未知數。2018年再佢由波圖帶到曼聯嘅摩連奴,就準備乘虛而入,報道指羅馬總經理堤亞高賓圖已為轉會展開斟介,1月份先以130萬鎊借用費借用半年,明年夏天再支付1,100萬鎊斟佢買斷。
達洛治一直視摩連奴為「啟蒙老師」,對於同「寸王」再度合作極有興趣,而且佢上季外借AC米蘭期間,表現獲得唔錯嘅評價,所以達洛治都好有興趣重返意甲搵食。