卡雲尼明夏勢投巴塞　望踢多兩年

足球博彩神器，每日重心提供盡在《彩報》：http://win.on.cc/football/　

烏拉圭前鋒卡雲尼今夏同曼聯續約1年，但自從基斯坦奴朗拿度回巢後，不但7號球衣被奪，連上陣機會都冇埋。英國同西班牙傳媒爆料，卡雲尼經理人近日向巴塞隆拿自薦，希望明夏以自由身加盟，並獲得兩年合約。

英國《泰晤士報》及西班牙《每日體育報》報道，卡雲尼上季以自由身加盟曼聯，獲贈7號球衣，首季上陣39次入17球5助攻，取得英超亞軍及歐霸盃亞軍，表現出色，曼聯同佢續約1年，原計劃佢會成為進攻重心，但C朗回巢將一切改變。

自從C朗回巢，卡雲尼淪為後備，至今各項賽事上陣8次，僅入1球，加上曼聯近日換帥，蘭歷克戰術大改革之下，其逼搶踢法下卡雲尼上陣機會更少，只好另謀出路。

報道指卡雲尼經理人開始幫佢搵班落，結果搵到巴塞，由於巴塞轉會資金有限，又要搵前鋒頂替阿古路，自由身嘅卡雲尼就最啱胃口，彼此一拍即合，據報雙方正展開談判，相信好快有答案。