曼聯下任領隊　蘭歷克：我會推薦我自己！

最強博彩盤路過關神器《串績王》：http://win.on.cc/football/　

曼聯周五（3日）為新任看守領隊蘭歷克舉行上任首個記者會，大家都對呢位「現代足球教父」充滿好期，最想知係佢只係簽約半年，之後就會再搵新主帥接手，下任主帥是誰？蘭歷克竟然咁答：「我會推薦我自己！」

原來同類事情，佢喺執教RB萊比錫嗰陣都試過，蘭歷克表示：「如果我一切順利，管理層又希望我繼續教，我可能會作出當年喺萊比錫嘅建議，就係推薦自己做下一任領隊。」

蘭歷克指出，現時曼聯陣容，絕對唔會差過當年高普接手嘅利物浦，而且曼聯有C朗：「我有現場睇C朗演出，36歲嘅球員仲有咁好表現，好厲害，睇得出佢願意為球隊付出一切，作為領隊，你嘅戰術永遠要配合你擁有嘅球員，而唔係球員配合戰術。」

外間有傳蘭歷克可以透過關係斟介艾寧夏蘭特，仲有1000萬獎金落袋，佢咁回應：「我份合約冇包喎！」