集體要求加薪　車路士後防不穩！

足球博彩神器，每日重心提供盡在《彩報》：http://win.on.cc/football/　

車路士目前高踞英超榜首，全因有條鋼鐵防線，但可能因為球員合約問題導致軍心不穩。英國傳媒報道，車路士後防魯迪格、安達斯基斯坦臣、堤亞高施華及艾斯派古達現時仍未完成續約，當中以魯迪格同安達斯基斯坦臣問題較嚴重，唔知點收科。

報道指兩人齊齊要求續約時大幅加薪，其中魯迪格現時年薪為800萬歐元，佢要求年薪加到1200萬歐元，仲要簽5年合約，另邊廂皇家馬德里已提出挖角，答允魯迪格上述要求，如果車路士續約談判傾唔掂，呢位28歲德國中堅勢必離隊轉投皇馬。

至於25歲丹麥中堅安達斯基斯坦臣，現時周薪為8萬鎊，其實佢已經答應續約，但動筆一刻佢父母介入，要求加人工先肯簽約，據報此事觸怒主帥杜曹，認為球員出爾反爾，甚至建議會方放棄續約談判。