阿仙奴勢強!賓尼迪斯等執包袱

20211206
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
今晚英超獨腳戲愛華頓主場對阿仙奴,「拖肥糖」愛華頓近7場聯賽僅得1和6負,上場「默郡打吡」更以1比4大敗於利物浦腳下,引發球迷強烈不滿,領隊賓尼迪斯承受壓力極為巨大,內部士氣低迷,阿仙奴係時候乘虛而入,直取客勝。(Now 621周二凌晨4時直播)
愛華頓今夏請嚟賓尼迪斯執教,注定鑄成大錯,皆因「肥賓」曾執教利物浦6年,為「紅軍」捧過歐聯冠軍,早就成為「拖肥」球迷眼中釘,球隊季初成績唔錯,勉強令反對者收聲,但近期表現差劣,「反賓派」立即發難,上仗打吡戰開波19分鐘就落後兩粒,即時有唔少主場球迷離場以示不滿,同時亦反映「拖肥糖」表現實在不堪入目。愛華頓近7場英超1和6負,證明「肥賓」冇晒符,相信唔只球迷,甚至球員都可能對佢失去信心,愛華頓一日唔換帥都難望翻身。
阿仙奴近3場輸兩場,但所負對手係利物浦同曼聯,雖敗不辱。其實「兵工廠」整體演出唔曳,伊美路維、馬田奧迪加特及布卡約沙卡等新星有活力又有鬥心,足以攻破軍心不穩嘅愛華頓大門,今仗有力反客為主。