車路士6位大將受傷　左路陷入癱瘓

最強博彩盤路過關神器《串績王》：http://win.on.cc/football/　

車路士近期成績下滑之餘，更加爆發嚴重傷兵問題，已經有6位主將受傷，包括2位左翼衞芝維爾、馬高斯阿朗素都加入「十字兵」，車仔周四(9日)凌晨歐聯H組作客辛尼特，面臨冇左翼衞可用嘅困境。

車路士6位傷兵之中，除咗芝維爾、馬高斯阿朗素之外，仲有中場夏維斯、高華錫、尼高路簡迪、後衞杜利奧查洛巴。其中芝維爾好可能提早收咧，另一位左翼衞馬高斯阿朗素上場對韋斯咸，整傷背部舊患，未知要抖幾耐。

車仔領隊杜曹慣用352陣式，兩邊翼衞發揮重要作用，依家2位左翼衞都傷晒，肯定打亂杜曹部署，可能需要喺下月轉會市場重開之後增兵。