安察洛堤獲歐聯100勝　只有2人勝仗多過佢

足球博彩神器，每日重心提供盡在《彩報》：http://win.on.cc/football/　

周三(8日)凌晨歐聯D組，兩支已提早出線嘅球隊交鋒，皇家馬德里主場以2比0擊敗國際米蘭，獲得小組首名，今場亦係皇馬主帥安察洛堤教練生涯第100場歐聯勝仗，僅次於贏115場嘅費格遜及贏103場嘅雲格。

開賽17分鐘，皇馬就由卻奧斯遠射入網，打開紀錄。換邊之後，國際米蘭中場尼高路巴列拿報復性踢皇馬中堅艾達米列達奧，被球證直接出示紅牌趕出場。皇馬踢多1人，再由馬高阿辛斯奧射成2比0。

皇馬史上第18次喺歐聯以小組首名出線，落後紀錄保持者巴塞隆拿3次。教練安察洛堤獲得第100場歐聯勝仗，相信要超越費格遜嘅115勝及雲格嘅103勝，指日可待。