曼聯數名球員確診 鬥賓福特面臨延期
20211213
東網電視
更多新聞短片
足球博彩神器,每日重心提供盡在《彩報》:http://win.on.cc/football/
英超疫情問題愈趨嚴重,曼聯周一(13日)成為最新一隊爆疫球隊,據報陣中有數名球員同職員確診,原定操練亦要臨時取消,周三(15日)凌晨作客賓福特嘅聯賽未知可唔可以如期上演。
英國多間媒體報道,曼聯周日(12日)作客贏諾域治前,全隊球員都通過新冠肺炎測試,不過周一再做LFT檢測就有數名球員同職員確診,相關人士已經即時返屋企休息,原定嘅操練亦要取消,其餘通過檢測嘅球員,只係可以喺戶外進行單獨嘅簡單練習。
曼聯上場對諾域治期間,瑞典中堅域陀連迪路夫一度出現呼吸困難,暫時未知同新冠肺炎有冇關係,曼聯對手諾域治喺賽後最新嘅檢測中,未有出現確診個案。由於曼聯短時間內出現多個確診個案,情況並唔穩定,周三作客賓福特嘅「快車」有延期可能。
曼聯門將甸恩軒達臣今年7月曾經確診,而且病情相對嚴重缺陣咗1個月,連格同格連活特今季亦先後確診,保羅普巴、阿歷士迪尼斯等球員就曾經喺上季確診。除曼聯之外,阿士東維拉周一同樣有多名職、球員確診,球隊已取消原定練習;至於周二凌晨英冠賽事錫菲聯對昆士柏流浪,因流浪出現大規模確診已宣告延期。