曼聯搵新帥　施蒙尼成潛在目標

最強博彩盤路過關神器《串績王》：http://win.on.cc/football/　

曼聯看守領隊蘭歷克只會做到季尾，之後升任顧問2年協助球隊重建，球隊將再度招聘主帥，西班牙傳媒爆料，馬體會嘅施蒙尼係曼聯潛在目標人選，欣賞佢嘅鐵腕治軍，而嚟緊歐聯16強，曼聯就會對馬體會，到時雙方將會正式接觸。

西班牙電視6台報道，馬體會上季重奪西甲後，今季狀態下滑，近期聯賽3連敗，已被榜首皇馬拋離，衞冕機會愈嚟愈低，近期仲傳出將帥不和，施蒙尼同蘇亞雷斯有爭拗，不斷有負面消息，正係曼聯撬人嘅好時機。

其實曼聯招聘主帥仲有好多人選，除咗施蒙尼，仲有普捷天奴、羅渣士同坦哈格，施蒙尼勝在夠激情，領軍經驗豐富，嚟緊歐聯16強對曼聯，到時大把機會近距離觀察。