曼聯同19歲新星續約4年半 打造C朗接班人

20211225
東網電視
更多新聞短片
(Getty Images)
最強博彩盤路過關神器《串績王》:http://win.on.cc/football/ 
曼聯正式宣布同19歲新星艾蘭加續約4年半,打造鋒線新旗幟!自從蘭歷克成為紅魔鬼看守領隊之後,着意栽培年輕球員,佢最欣賞艾蘭加,成功說服會方向呢位瑞典前鋒開出長約,預料將會獲得重用,將來成為C朗接班人。
艾蘭加雖然係瑞典人,但12歲已經獲曼聯簽入,成為青年軍球員,上年夏天得到前主帥蘇斯克查提拔,有份參加季前備戰,並喺上季季尾對李斯特城,首次喺英超上陣,其後更喺煞科戰對狼隊,取得職業生涯首個英超入球。
艾蘭加今季已經為曼聯上陣3次,包括最後1場歐聯分組賽以正選身份出戰年青人,蘭歷克對於艾蘭加嘅表現讚不絕口,認為佢充滿活力,有速度又有技術,仲擁無畏無懼嘅勇氣,英國傳媒指艾蘭加嘅堅強性格及效率,非常適合蘭歷克嘅戰術。
蘭歷克仲話栽培年輕球員屬於曼聯嘅DNA:「由畢樹比年代開始,曼聯就特別重視年輕人,呢種做法已經成為曼聯DNA,費格遜執教27年,球隊一直保持呢個傳統,我會令年輕球員知道,佢哋可以獲得足夠上陣機會。」
事實上,曼聯星級射手C朗已經36歲,卡雲尼亦年屆34歲,加上安東尼馬迪爾好可能離隊,相信艾蘭加續約之後,將來可以喺曼聯扮演重要角色。