C朗拿度又發火　怒踢賴恩費沙走甩紅牌

最強博彩盤路過關神器《串績王》：http://win.on.cc/football/　

曼聯周二(28日)凌晨作客1比1逼和紐卡素，全隊表現都喺水準以下，就連C朗拿度亦非常沉靜，全場2次射門都冇命中目標，反而最令球迷印象深刻嘅係下半場一次粗暴犯規，老羞成怒咁將賴恩費沙踢到飛起，好在球證網開一面只係向佢出示黃牌。

今場踢到57分鐘嗰陣，落後1球嘅曼聯仍處處受制紐卡素嘅體力化逼搶，喺一次激烈爭奪當中，C朗突然發晒茅咁全速衝前，大動作拉弓起腳，結果踢中快佢一步嘅賴恩費沙，將對方踢到飛起。C朗喺季初對利物浦一仗，亦曾有類似「連消帶打」嘅粗暴動作踢向居迪斯鍾斯，當然利物浦領隊高普都話C朗應該食紅牌。