熱刺打多個僅和修咸頓　干地7場做史上最強

最強博彩盤路過關神器《串績王》：http://win.on.cc/football/　

由意大利名帥干地執教嘅熱刺，周二(28日)英超喺大部份時間人多打人少下，作客只能同修咸頓踢成1比1平手，不過干地亦成功創造歷史，成為熱刺史上第1個執教頭7場聯賽保持不敗嘅領隊。

熱刺今場繼續用3中堅陣式，不過入局太慢，25分鐘被修咸頓中場禾特普斯妙射先失守；熱刺之後控制戰局，41分鐘出現轉捩點，修咸頓中場穆罕默德沙利素禁區內踢跌孫興民，輸12碼兼兩黃一紅被逐，哈利卡尼操刀追成1比1平手。

人數有優勢嘅熱刺下半場狂攻，但未能撕破修咸頓緊密防線，哈利卡尼喺53分鐘曾經射入，但VAR指佢僅僅越位而作廢，最終兩隊1比1握手言和。熱刺雖然失分，不過干地上任後7場聯賽有4勝3和，令佢成為球會史上第1個上任頭7場聯賽不敗領隊，打破舒活同辛天尼嘅6場紀錄。