RIP！馬納當拿兩兄弟天上「重逢」

足球博彩神器，每日重心提供盡在《彩報》：http://win.on.cc/football/　

已故球王馬納當拿去年離世，時隔一年佢嘅胞弟曉高馬納當拿，日前亦因心臟病過身，終年52歲。

曉高曾經都係職業球員，佢喺自己位於那不勒斯嘅屋企離世，而正係馬納當拿生前於84至91年間效力拿玻里嘅城市。至於曉高嘅球員生涯，曾經喺意大利、西班牙、日本同埋阿根廷搵食。

馬納當拿1984年加盟拿玻里，曉高亦喺87年加盟另一支意甲球隊阿斯科利，同年兩兄弟喺比賽相遇，阿哥效力嘅拿玻里贏2比1；而對於曉高嘅死訊，拿玻里球會發聲明證實及哀悼：「我哋球會會長Aurelio De Laurentiis、副會長Edoardo De Laurentiis及所有職員、教練員及球員，以及拿玻里家庭嘅所有人，對曉高嘅離世都相當痛心及遺憾。」