熱刺阿積士爭簽曼聯2號門將　蘭歷克咁回應

最強博彩盤路過關神器《串績王》：http://win.on.cc/football/　

英國《太陽報》爆料，指熱刺及荷甲勁旅阿積士都有意借用曼聯後備門將甸恩軒達臣，但紅魔鬼看守主帥蘭歷克卻拒絕，令急需要上陣機會嘅甸恩軒達臣甚為不滿。

甸恩軒達臣今季僅為曼聯上陣2次，而且都係盃賽，佢非常渴望喺冬季轉會市場重開後，外借去其他球隊，爭取上陣機會，熱刺及阿積士都有興趣借用呢位24歲英格蘭門將。

不過，蘭歷克認為曼聯一隊必須保持最少3位門將，所以講明唔會喺季中放走甸恩軒達臣。

甸恩軒達臣上季曾經上陣26次，原本被睇好今季可以上位，但不幸喺季初確診新冠肺炎，缺陣一段時間，加上迪基亞表現大勇，令甸恩軒達臣更加難有上陣機會，照目前情況睇，佢下季只能繼續坐冷板。