蘭歷克終極審判：雲迪碧克踢唔掂英超！

足球博彩神器，每日重心提供盡在《彩報》：http://win.on.cc/football/　

荷蘭中場雲迪碧克喺2020年以4,000萬鎊由阿積士加盟曼聯，原因被球迷寄以厚望，不過1年幾以來一直唔受重用，最初唔少球迷批評前領隊蘇斯克查「唔識用」，不過據英國《The Athletic》報道，新帥蘭歷克最近就雲迪碧克嘅能力作出終極審判，結果同蘇斯克查嘅意見一樣，雲迪碧克唔適合踢英超！

雲迪碧克今季英超從未正選上陣，7次後備入替加埋只係踢過66分鐘，當蘭歷克上任後，原本以為雲迪碧克有望重生，但呢位德國教練經過連串訓練後，作出同蘇斯克查同樣結論，蘭歷克認為雲迪碧克個人技術相當細膩，但係喺中場大範圍覆蓋跑動出現困難，尤其喺英超寸土必爭嘅賽事更難適應，判定佢唔適合喺英超發展。

收購新中場係曼聯1月轉會窗嘅首要任務，傳聞魯賓尼維斯、迪格蘭賴斯等都係目標，而經過蘭歷克嘅終極審判後，雲迪碧克離隊亦係事在必行，愛華頓、紐卡素等球會過去都傳出對呢位荷蘭球星虎視眈眈。