熱刺正式斟介連格　今夏自由身加盟

足球博彩神器，每日重心提供盡在《彩報》：http://win.on.cc/football/　

英國《太陽報》爆料，指熱刺已經派人接觸曼聯中場連格，力邀佢加盟，雙方談判進展良好，但由於曼聯唔想呢位29歲英格蘭國腳季中轉投其他英超勁敵，相信連格會等到今夏約滿，以自由身加盟熱刺。

連格今季長居後備，看守領隊蘭歷克接手執教紅魔鬼之後，連格上陣時間更加少，自上月初歐聯上陣對年青人之後，一度有1個月時間冇份披甲，直至上場英足盃踢到86分鐘，先至後備上陣，可見連格已唔喺蘭歷克計劃之內，離隊已經冇懸念。

不過，曼聯唔想連格喺季中轉投其他英超勁敵，幫助對手搶分爭前4位，所以會留住佢到收咧。由於屆時熱刺可以免轉會費簽入連格，預料會開出更豐厚薪酬條件，對於佢而言都係一件好事。

連格上季被外借去另一支倫敦球隊韋斯咸，上陣16場入9球及5次助攻，表現出色，如果佢可以加盟熱刺，或者能夠重生。