車路士救左閘死穴　300萬鎊買「自己人」？

最強博彩盤路過關神器《串績王》：http://win.on.cc/football/　

車路士殺入英聯盃決賽，喺英超、歐聯同英足盃亦向住冠軍進發，不過球隊傷兵問題就打擊應付多條戰線嘅能力，左閘芝維爾重傷收咧更加成為一大漏洞，據報領隊杜曹為解決問題，不惜出300萬鎊「贖」番由佢哋外借里昂嘅艾馬臣柏美尼。

杜曹早前已明確表示，如果要簽一個新左閘「應急」，不如用番本身屬於車路士嘅艾馬臣柏美尼，問題係呢位意大利國腳今季被外借里昂1年，但合約並冇提前回收條款。據報車路士為咗說服里昂放人，願意支付300萬鎊「贖」番艾馬臣半季合約。

法國《隊報》消息指，里昂目前仍然企硬唔肯放人，不過知情人士指兩間球會仍然商討當中，車路士有信心可以同里昂傾掂數，例如再喺買斷條款入面作出優惠等等，據報如果里昂可以簽入巴黎聖日耳門左閘古沙華，就會答應車路士提前回收要求。