阿仙奴11人缺陣對熱刺　將借艾法美路救亡

最強博彩盤路過關神器《串績王》：http://win.on.cc/football/　

阿仙奴喺英聯盃對利物浦後，兵源不足問題進一步加劇，馬田奧迪加特確診、薛迪索拉斯同布卡約沙卡傷出以及格列沙加停賽，佢哋周一(17日)凌晨作客熱刺嘅「北倫敦打吡」，將有多達11名球員缺陣，夠唔夠13個外場球員上陣仲係未知之數。據報阿仙奴正同祖雲達斯商討，借用中場艾法美路救亡。

阿仙奴有奧巴美揚、湯馬士柏迪、艾利尼同尼高拉斯比比踢非國盃，布卡約沙卡、伊美路維、富安健洋、哥拉辛拿斯同薛迪索拉斯受傷，加上馬田奧迪加特要隔離同埋格列沙加停賽，「兵工廠」目前有11個球員唔踢得，如果未來2日再有新確診就不堪設想。

據意大利傳媒報道，阿仙奴將美蘭尼爾斯外借羅馬後，已物色新中場加盟，依家同祖雲達斯斟介巴西中場艾法美路，呢位25歲球星雖然獲得多份聘約，但佢就屬意加盟阿仙奴，消息指祖記希望喺借用合約內加入3,500萬鎊強制買斷條款，雙方仍就轉會細節進行談判。