C朗缺陣曼聯勝率更高？隊友唔想同佢踢！

最強博彩盤路過關神器《串績王》：http://win.on.cc/football/　

曼聯今季成績未如理想，C朗拿度日前受訪公開質疑隊中年輕球員心態唔正確，英國《太陽報》隨即爆料，指曼聯唔少年輕球員有「C朗恐懼症」，認為呢位葡萄牙球星嘅超認真態度令佢哋感受極大壓力，數據亦顯示曼聯今季喺C朗缺陣情況下，勝率更加高！

《太陽報》消息指，C朗對每課操練都非常認真，但好多年輕球員都當練習係例行公事，C朗曾多次訓斥，令唔少年輕球員出現心理壓力，每次犯錯都擔心要面對C朗嘅「反應」，亦唔敢傳波畀佢，即係有「C朗恐懼症」。

數據顯示，自C朗今季重返曼聯後，佢上陣嘅21場波勝率係48%，平均每場入1.6球，但C朗缺陣嘅6場比賽，球隊勝率升至50%，場均1.5個入球亦不遑多讓，但場均失球就由1.5球急跌至0.7球，證明冇C朗嘅曼聯入球相若，但防守能力更高。