美斯中招自白：康復時間比想像中長

足球博彩神器，每日重心提供盡在《彩報》：http://win.on.cc/football/　

阿根廷巨星美斯於月初證實確診新冠肺炎，由所屬球會巴黎聖日耳門官方宣布，至今已經個多星期，周五(14日)美斯喺IG留言，講番今次中招感受，佢話呢個病比想像上需要更長時間康復。

美斯於法甲歇冬期返回阿根廷度假，期間喺家鄉羅薩里奧覓地起大屋，作為掛靴後長期定居地方。疫情爆發兩年以來一直保持清白嘅佢亦終於「失守」，感染新冠肺炎，雖然確診後幾日佢報稱已痊愈，並舉家乘搭私人飛機返回巴黎，但到依家仲要休息，未能復出。

美斯喺IG上載在家中休養情況，同老婆同幾個囝囝留喺屋企，留言寫道：「如大家所知，我中咗新冠肺炎，多謝大家關心，我嘅康復時間比想像中長，但都就快好番，期待重返球場，爭取回復狀態再同大家見面。」