拒絕曼聯係啱！施丹陪老婆放狗爽皮

足球博彩神器，每日重心提供盡在《彩報》：http://win.on.cc/football/　

施丹離開皇馬半季，呢半年盡情享受生活，佢IG嘅相同影片全部都係陪家人同放狗，就好似最新2022年最新相片，孭住個狗寵物包，狗仔喺佢心口相當安靜，又同老婆四圍去，幾爽皮！

近半年來，不時有傳聞施丹復出教波，傳得最勁就係執教曼聯，當時佢前隊友比堤仲爆料施丹學緊英文，不過最終因為老婆反對，話唔鍾意喺英國生活而作罷，依家講番轉頭，佢老婆真係幫咗佢，大家睇蘭歷克接手後嘅曼聯係點，就知施丹當日決定英明正確。

近日又有傳聞，話施丹將會執教巴黎聖日耳門，到時普捷天奴就會過檔去曼聯，呢啲料大家吹住先，施丹目前最重要係陪老婆同遛狗。