更衣室大亂！蘭歷克證實馬迪爾罷踢

最強博彩盤路過關神器《串績王》：http://win.on.cc/football/　

曼聯周日(16日)凌晨英超被維拉逼和2比2，近4場聯賽第3度失分，一直有傳「紅魔鬼」更衣室內因太多球員有離心而士氣低落，領隊蘭歷克喺賽後就公開承認，法國前鋒安東尼馬迪爾賽前「罷踢」，所以冇出現喺大軍名單之內。

安東尼馬迪爾早前曾公開要求離隊，但至今仍然搵唔到買家，今場作客維拉喺C朗拿度同拉舒福特缺陣下，安東尼馬迪爾意外地連後備都冇份，蘭歷克賽後解釋：「佢(馬迪爾)唔想喺大軍之內。正常嚟講馬迪爾會喺大軍名單入面，但係佢唔想，呢個就係佢冇隨隊嘅原因。」

延伸閱讀：【古天奴勁爆回歸！後備建功維拉逼和曼聯】

https://bit.ly/3KfPwYQ　

安東尼馬迪爾今季只係踢過7場英超，當中僅有2場係正選，對上一次已經係上年12月對阿仙奴後備踢2分鐘，自蘭歷克上任後亦冇喺任何賽事中上陣，明顯已經唔喺蘭歷克計劃之內。有消息指安東尼馬迪爾不滿曼聯索價太高，要「買家」支付高昂借用費兼負責全部人工，令佢未能轉會。