離譜！西維爾球員被飛棍打中　賽事腰斬！

最強博彩盤路過關神器《串績王》：http://win.on.cc/football/　

周日(16日)凌晨西盃16強出現離譜一幕，喺貝迪斯主場對西維爾嘅賽事入面，客隊中場祖安佐敦被看台上一支削尖嘅飛棍打中，賽事暫停45分鐘後宣告腰斬，祖安佐敦就被送去醫院檢查，當時兩隊踢成1比1平手。

呢場「塞維利亞打吡」氣氛熾熱，西維爾喺35分鐘由艾真度高美斯入波領先，不過貝迪斯中場費基亞4分鐘後角球直接射入追平，當貝迪斯球員慶祝入球嗰陣，西維爾中場祖安佐敦突然被看台上掟出擊一支尖棍打中，即時痛苦倒地，球證同兩隊代表商討好，決定以安全理由將賽事腰斬。

貝迪斯球員甘馬拉沙同桑米蘭達對於球賽腰斬非常不滿，賽後踢爆祖安佐敦受傷根本唔嚴重，指控西維爾教練盧比迪古叫佢「扮暈」，逼使賽事腰斬。